ஸ்ரீ ஸௌந்தர்ய லஹரீ  ஸ்லோகங்கள் 42 – 50 உரையுடன்

ஸ்ரீ ஸௌந்தர்ய லஹரீ  ஸ்லோகங்கள் 42 – 50 உரையுடன்

ஸ்ரீ “அண்ணா” எழுதி சென்னை ஸ்ரீராமகிருஷ்ணமடம் வெளியிட்டுள்ள “ஸௌந்தர்யலஹரீ -பாஷ்யம்” என்ற விளக்க நூலில் இருந்து விளக்கங்களுடன் (சிற்சில இடங்களில், Pandit S Subrahmanya Sastri and T R Srinivasa Ayyangar  இவர்களால் 1937-ம் வருடத்தில் ஆங்கிலத்தில் எழுதப்பட்டு The Theosophical Publishing House ப்ரசுரித்த The Ocean of Beauty – Soundarya Lahari of Sri Samkara Bhagavatpada என்னும் நூலிலிருந்து எடுத்த ஆங்கில விளக்கங்களுடன்)

42. கிரீட வர்ணனை

ஸகல வச்யம், ஜலரோக நிவாரணம் 

தைர் மாணிக்யத்வம் ககனமணிபி: ஸாந்த்டிதம்
கிரீடம் தே ஹைமம் ஹிமகிரிஸுதே கீர்த்தயதி ய:
ஸ நீடேயச்சாயா ச்சுரண ஶலம் சந்த்ர ஶகலம்
னு: ஶௌனாஸீரம் கிமிதி ந நிபத்னாதி திஷணாம்                            42

இமயமலையின் பெண்ணே ! மாணிக்கங்களாக உன் சேவையின் பொருட்டு உருவடைந்துள்ள பன்னிரண்டு ஆதித்தியர்களால் நெருக்கமாக இழைக்கப்பட்ட உன்னுடைய தங்கக் கிரீடத்தை எவன் வர்ணிக்கப் புகுகிறானோ அவன் கிரீடகோளத்தில் உள்ள மாணிக்கங்களின் காந்தியால் விசித்திரவர்ணம் உள்ளதாகத் தோன்றும் சந்திரகலையை இந்திரனுடைய வில் என்ற கருத்தை வர்ணனையில் எப்படிப் புருத்தாமல் இருக்க முடியும் ?

 The twelve Aadithyaas are : (1) Dhaatr (2) Mitra (3) Aryaman (4)Rudra (5) Varuna (6) Surya (7) Bhaga (8) Vivasvat (9) Pusan (10) Savitr (11) Tvastr (12) Vishnu

 43.     கேச வர்ணனை

ஸர்வ ஜயம்

துனோது த்வாந்தம் நஸ் துலித லிதேந்தீவர வனம்
ன ஸ்நிக்த ஶ்லக்ஷ்ணம் சிகுர நிகுரும்ம் தவ ஶிவே
தீயம் ஸௌரப்யம் ஸஹஜ முபலப்தும் ஸுமநஸோ
வசந்த்யஸ்மின் மன்யே வலமதன வாடீ விடபினாம்                              43

பரமசிவ பத்தினியே ! மலர்ந்த கறுநெய்தல் காடுபோல் பிரகாசிப்பதாகவும், அடர்ந்தும் வழவழப்பாகவும், மெதுவாகவும் உள்ளதுமான உன்னுடைய கேச பாரம் எங்களுடைய அக இருளை போக்கடிக்கட்டும். அதில் உள்ள இயற்கையான வாசனையை அடைய விரும்பி இந்திரனுடைய நந்தவனத்தில் உள்ள மரங்களின் புஷ்பங்கள் அந்தக் கேசபாரத்தில் வசிக்கின்றன என்று நினைக்கிறேன்.

 ‘சம்காசோ புந்நாக ஸௌகந்திகலஸத்கசா’ என்ற ஸ்ரீலலிதா ஸஹஸ்ர நாமத்திற்குப் பொருள் கூறும்போது பாஸ்கரராயர் “புஷ்பங்களின் வாசனையை விட்த் தேவியின் கூந்தலுக்கு இயற்கையாகவே அதிக வாசனை இருப்பதால் அப்புஷ்பங்கள் வெறும் அலங்காரத்திற்காக மட்டும் தரிக்கப் பட்டதாகக் கூறுகிறார். தேவி சூடிக்கொண்டதால் புஷ்பங்களுக்குப் பெருமை.

44.     வகிட்டின் வர்ணனை

ஸர்வரோக நிவிருத்தி

தனோது க்ஷேமம் நஸ்தவ வன ஸௌந்ர்ய லஹரீ
பரீவாஹஸ்ரோத: ஸரணிரிவ ஸீமந்த ஸரணி:
வஹந்தீ ஸிந்தூரம் ப்ரலகரீ பார திமிர
த்வஷாம் ப்ருந்தைர் ந்தீக்ருதமிவ நவீனார்க்க கிரணம்                   44

உன்னுடைய முகத்தின் அழகுவெள்ளத்தின் பெருக்கானது, வழிந்தோடும் வாய்க்கால் மாதிரி தோன்றுவதும் பலம் மிகுந்த கேச பாரத்தின் இருளாகிய சத்துருக் கூட்டத்தால் சிறைப்பிடிக்கப்பட்ட உதய சூரியனுடைய ஒளி போன்ற குங்குமத்தை தரிப்பதும் ஆகிய வகிட்டின் ரேகை எங்களுக்கு க்ஷேமத்தை அளிக்கட்டும்.

இந்த சுலோகத்தில் வரும் ஸௌந்தர்யலஹரி என்னும் சொல்லே இந்த நூலுக்குப் பெயராக வைக்கப் பட்டுள்ளது.

உதயசூரியனுடைய ஒளி போன்ற சிந்துரப்பொட்டு:

உதிக்கின்ற செங்கதிருச்சித் திலக முணர்வுடையோர்
மதிக்கின்ற மாணிக்கம் மாதுளம் போது மலர்க்கமலை
துதிக்கின்ற மின்கொடிக் குங்கும தோயமென்ன
விதிக்கின்ற மேனி அபிராமி யென்றன் விழுத்துணையே – அபிராமியந்தாதி1

45.     முன் நெற்றி மயிர் வர்ணனை

லக்ஷ்மீ கடாக்ஷம், வாக்குப் பலிதம் 

அராலை: ஸ்வபாவ்யா லிகல ஸஶ் ரீபி ரலகை:
பரீதம் தே வக்த்ரம் பரிஹஸதி பங்கேருஹ ருசிம்
ரஸ்மேரே யஸ்மின் ஶனருசி கிஞ்ஜல்க ருசிரே
ஸுந்தௌ மாத்யந்தி ஸ்மரஹன சக்ஷுர் மதுலிஹ:                       45

புன்சிரிப்பால் சற்று மலர்ந்தாற்போன்றதும், பல்வரிசையாகிற கேசரங்களுடன் பிரகாசிப்பதும் நல்மணமும் உள்ளதும் ஆகிய எந்த முக கமலத்தில் மன்மதனை எரித்த சிவனுடைய கண்களாகிய தேன்வண்டுகள் மயங்குகின்றனவோ அப்படிப்பட்ட உன்னுடைய முகம் இயற்கையாகவே சுருட்டையானதும் சிறு வண்டுகள் சஞ்சரிப்பது போன்ற சோபையைக் கொண்டதுமான முன்நெற்றி மயிர்களால் சூழப்பெற்று தாமரையின் அழகை பரிகசிப்பது போல் இருக்கிறது.

 46.     பாதிச் சந்திரன் போன்ற நெற்றியின் வர்ணனை

புத்திரப்ராப்தி 

லலாடம் லாவண்ய த்யுதி விமல மாபாதி தவ யத்
த்வதீயம் தன்மன்யே மகுட டிதம் சந்த்ரசகலம்
விபர்யாஸ ந்யாஸா துபயமபி ஸம்பூய ச மித:
ஸுதாலேபஸ்யூதி: பரிணமதி ராகா ஹிமகர:                                          46

வெண்ணிலவு போன்ற அழகுடன் உன்னுடைய எந்த நெற்றியானது பிரகாசிக்கிறதோ அதை கிரீடத்தில் சூடிக்கொண்டிருப்பதன் இரண்டாவது பாகமாகிய சந்திரகலையோ என்று எண்ணுகிறேன். இரண்டும் திருப்பிப் பொருத்தப் பட்டால் ஒன்றுக்கொன்று நன்றாகச் சேர்ந்து அமிருதம் ஒழுகும் பூர்ணிமைச் சந்திரனாக பரிணமிக்கும்.

 அம்பாளுடைய நெற்றிக் கிரீடத்தில் இருக்கும் பாதிச் சந்திரனைப் பூர்ணமாக்கும் மற்றொரு பாதிபோல் வலைந்தும் அழகாகவும் உள்ளது என்று நெற்றி வர்ணிக்கப் படுகிறது.

அஷ்டமீ சந்த்ர விப்ராஜ தளிக ஸ்த்தல சோபிதாயை நம:” அரைவட்ட வடிவமான அஷ்டமிச் சந்திரன் போல் விளங்கும் நெற்றியைக் கொண்டவளுக்கு நமஸ்காரம்.

47.     புருவங்களின் அழகு

எல்லாக் காரியங்களிலும் ஜயம் 

ப்ருவௌ புக்னே கிஞ்சித்புவன ங் வ்யஸநிநி
த்வதீயே நேத்ராப்யாம் மதுகர ருசிப்யாம் த்ருத குணம்
னுர் மன்யே ஸவ்யேதரகர க்ருஹீதம் ரதிபதே:
ப்ரகோஷ்ட்டே முஷ்டௌ ச ஸ்தயதி நிகூடாந்தரமுமே                      47

உமாதேவியே ! உலகபயத்தைப் போக்குவதில் ஊக்கம் உள்ளவளே ! சற்று வளைந்த உன்னுடைய புருவங்கள் வண்டுகள் போல் பிரகாசிக்கின்ற கண்களால் நாண் பூட்டியதாகவும், இடதுகையால் பிடிக்கப் பட்டு முழங்கையாலும் விரல் முஷ்டியாலும் மறைக்கப் பட்டதால் மத்தியபாகம் தெரியாததாகவும் உள்ள மன்மதனுடைய வில் என்று எண்ணுகிறேன்.

48.     கண்களின் அழகு

நவக்கிரஹ தோஷ நிவிருத்தி 

அஹ: ஸூதே ஸவ்யம் தவ நயன மார்க்காத்மகதயா
த்ரியாமாம் வாமம் தே ஸ்ருஜதி ரஜனீ நாயகதயா
த்ருதீயா த்ருஷ்டிர் லித ஹேமாம்புஜ – ருசி:
ஸமாத்தே ஸந்த்யாம் திவஸ நிஶயோ ரந்தரசரீம்                              48

உன்னுடைய வலது கண் சூரியவடிவு ஆனதால் பகலை உண்டாக்குகிறது. உன்னுடைய இடது கண் சந்திரவடிவு ஆனதால் இரவை உண்டாக்குகிறது. உன்னுடைய மூன்றாவது கண் சிறிது மலர்ந்த பொற்றாமரையைப் போல் விரகாசிப்பதால் பகலுக்கும் இரவுக்கும் நடுவில் உள்ள ஸந்தியா காலத்தை உண்டாக்குகிறது.

 49.     எட்டு விதமான கண்ணோட்டம்

ஸர்வ ஜயம், நிதி தர்சனம் 

விஶாலா கல்யாணீ ஸ்புட ருசி ரயோத்யா குவலயை:
க்ருபாதாராதாரா கிமபி மதுரா(அ)(அ)போக வதிகா
அவந்தீ த்ருஷ்டிஸ்தே ஹுநர விஸ்தார விஜயா
த்ருவம் தத்தந்நாம வ்யவஹரண யோக்யா விஜயதே                           49

உன்னுடைய கண்ணோட்டம் விசாலமாகவும் மங்களகரமாகவும் மலர்ந்து பிரகாசிப்பதாகவும், கருநெய்தல்களால் வெல்லமுடியாத அழகு வாய்ந்ததாகவும் கருணைப் பெருக்கிற்கு ஆதாரமாகவும் வர்ணிக்க முடியாத இனிமையுடன் கூடியதாகவும், ஆழங்காண முடியாததாகவும், ரக்ஷிப்பதாகவும், பல நகரங்களில் அதன் வெற்றியின் சீர்மை விளங்குவதாகவும், அதனால் அந்த நகரங்களின் பெயர்களால் குறிப்பிடத் தக்கதாகவும் நிச்சயம் அனைத்தையும் வெல்லுவதாக விளங்குகிறது.

எட்டு விதமான த்ருஷ்டி:

  1. விசாலா என்பது உள்ளாக மலர்ந்த பார்வை
  2. கல்யாணீ ஆச்சரியத்தைக் காட்டுவது
  3. அயோத்யா காமத்தை உண்டாக்குவது
  4. தாரா ஆலஸ்யத்தைக் காட்டுவது
  5. மதுரா ஸஞ்சலமானது
  6. போகவதீ பிரியத்தோடு கூடியது
  7. அவந்தீ மயங்கியது
  8. விஜயா பாதி மூடினது

50.     மூன்றாவது கண்

தூரதர்சனம், வைசூரி நோய் நிவாரணம் 

கவீனாம் ஸந்ர்ப்ப ஸ்தக மகரந்தைக ரஸிகம்
கடாக்ஷ வ்யாக்ஷேப ப்ரமர கலபௌ கர்ணயுலம்
அமுஞ்சந்தௌ த்ருஷ்ட்வா தவ நவரஸாஸ்வா தரலௌ
அஸூயா ஸம்ஸர்க்கா தலிக நயனம் கிஞ்சிருணம்                           50

கவிகளுடைய பாடல்களாகிய பூங்கொத்தின் மகரந்தத்தைப் பருகுவதிலேயே முக்கியமாக ஆசை வைத்த உன்னுடைய இரண்டு காதுகளையும் விடாமல் இருக்கும் நவரஸங்களையும் அநுபவிக்க ஆசைகொண்ட குட்டி வண்டுகள் போன்ற கடைக்கண்களை பார்த்து பொறாமையினால் உன்னுடைய நெற்றிக் கண்ணானது சிறிது சிவந்திருக்கிறதுபோலும்.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.